කල්පිත කවියෙකුගේ කල්පනා කවුළු Kalpitha Kaviyekuge Kalpana Kawulu

භූ කම්පනයකින් පසුව
ඉරිතලා ගිය තැනක
භූ විෂමතා වෙනස්වුණු
භූමියකි මම
දැන් මම ඉරිතලා ගිය බවින්
අලුත් වී ගිය තැනකි
ඔබ මින් පෙරදි නොපැමිණි
මා මතින් ගමන් කළ ගඟ
ඔබ වෙන මඟක යා යුතුය
සිතියම වෙනස් කළ යුතුය
කමටහන් ලෙස දෑතට
කුඩා වැලි අහුරක්
අරන් යා යුතුය
කොහේ හෝ නාඳුනන පෙදෙසක
මලක් සුපිපෙන නිම්නෙක
ඒ මතක භූමිදානය කර
අලුත් ගමනක් යා යුතුය.